काठमाडौं । गायिका स्वरुपा रसाइलीको स्वरमा रहेको नयाँ तीज गीत ‘मिठो सम्झना’को भिडियो सार्वजनिक भएको छ । राजधानीमा शनिवार आयोजित कार्यक्रममा पत्रकार तथा गीतकार शान्तिप्रियले गीतको अडियो तथा भिडियो सार्वजनिक गरे । उनले तीजका गीत सुन्दा तीजजस्तो लाग्न छाडेको बताए ।
बी.बी. अनुरागीको सांगीतिक परिवारले बजारमा ल्याएको ‘मिठो सम्झना’ मौलिकता बोकेको तीज गीत भएको उनले बताए । गायिका स्वरुपाले विगतका वर्षहरुमा जस्तै तीज गीत ‘मिठो सम्झना’ लिएर आएको हुँदा सबैले मन पराइदिने विश्वास व्यक्त गरिन् । गायिका रसाइलीले चेली र माइतीको दुःखसुख अभिव्यक्त गर्ने माध्यम भएको हुँदा तीज गीतले मौलिकता बोक्नुपर्ने बताइन् ।
गीतमा विजयकुमार सुनारको शब्द तथा बीबी अनुरागीको शब्द छ । गीतमा स्वरुपालाई आमा पवित्रा रसाइलीले स्वरमा साथ दिएकी छन् । मिठो सम्झनाको म्यूजिक भिडियो शिव विकले निर्देशन गरेका छन् भने रविन्द्र बरालले छायाँकन गरेका छन् । रविन विकको सम्पादन रहेको मिठो सम्झनालाई ओपल अडियो भिडियोले बजार व्यवस्थापन गरेको छ ।
