काठमाडौं । एक्सन प्रधान फिल्म ‘अघोरी’ को अफिसियल टिजर रिलिज भएको छ । बुधबार ओएसआर युट्युव च्यानलमार्फत फिल्मको टिजर रिलिज गरिएको हो । टिजरमा फिल्मका प्रमुख कलाकार प्रज्जवल गिरीलाई अघोरीको लुक्समा देखाइएको छ । टिजरमा उनको डरलाग्दो रुप र एक्सन टिजरमा देख्न सकिन्छ । टिजरसँगै चलचित्रको रिलिज डेट समेत सार्वजनिक गरिएको छ ।
२०७६ को असोज १७ गते रिलिज हुने भोमन कटुवाल निर्देशित फिल्ममा प्रज्जवल गिरी, शारदा राज्यलक्ष्मी शाह, उमेश खड्का, मुनम मल्ल ठकुरी, सुरविर पन्डित, सुशिल पोखरेल, अमिन कार्की लगायतका कलाकारले अभिनय गरेका छन् ।
दिक्षा पाठक कार्यकारी निर्माता रहेको ‘अघोरी’ मा राजु किराँतको द्वन्द्व, सुवास देवकोटाको सम्पादन, जीवन पराजुलीको छायांकन रहेको छ । राधादेवी कटुवाल प्रस्तुत फिल्ममा दीपक शर्मा, ओम सुनार, सरोज कोइराला, सुमन राई र मदन वराइलीको संगीत रहेको छ ।
