काठमाडौं । तीन दशकदेखि गायनमा रमाउँदै आएका गायक सीताराम पोखरेलको फरक शैलीको गीत ‘अल्कोलिक लभ’को भिडियो सार्वजनिक भएको छ । आफ्ना अधिकांश भिडियोमा नायिकाहरुलाई फिचर्ड गर्ने सीतारामले यो गीतमा प्रियंका कार्कीलाई अभिनय गराएका छन् । भिडियोमा प्रियंकासँग विनोद न्यौपानेले रोमान्स गरेका छन् ।
सीतारामलाई गायिका मिना निरौलाले साथ दिएकी छन् । ललिता कुँवरको शब्द रहेको गीतमा राहुल प्रधानको संगीत छ । भिडियोमा सुब्रतराज आचार्यको निर्देशन छ । गायक पोखरेलको यो १९ औं म्युजिक भिडियो हो । भिडियोमा राजेन्द्र कटुवाल राजको कोरियोग्राफी, नवराज उप्रेतीको छायांकन, भरत रेग्मीको सम्पादन छ ।
