मुम्बई(एजेन्सी) । बलिउड अभिनेता सलमान खानको प्रतिक्षित फिल्म ‘भारत’ आगामी जुन ५ मा रिलिज हुँदैछ । यही समयमा ३० मेमा इंग्ल्याण्डमा आइसीसी विश्वकप क्रिकेट हुँदैछ । फिल्म रिलिजको दिन भारतीय टिम आफ्नो पहिलो खेल दक्षिण अफ्रिकासँग खेल्दैछ । विश्वकप क्रिकेटको समयमा इदलाई मौका छोपेर रिलिज हुने सलमानको यो फिल्मले क्रिकेटकै कारण नोक्सान उठाउने अनुमान लगाइएको छ ।
सलमानको ‘भारत’ दक्षिण कोरियाली फिल्म ‘ओड टू माई फादर’को हिन्दी रिमेक हो । यो फिल्ममा सलमानको माध्यमबाट स्वतन्त्रतादेखि हालसम्मको अवस्थालाई देखाइनेछ । फिल्ममा दिशा पटानी, कटरीना कैफ प्रमुख भूमिकामा छन् । फिल्ममा सलमान युवकदेखि ६० वर्षको वृद्ध भूमिकामा देखिनेछन् ।
