काठमाडौं । फिल्म ‘प्रेमगीत ३’ को लागि मुख्य अभिनेत्रीका लागि अडिसन भइरहँदा फिल्म युनिटले फिल्मका प्रमुख पात्र प्रेमको नाम सार्वजनिक गरेको छ । आसुसेन फिल्मस् प्रोडक्सनको ब्यानरमा निर्माण हुन लागेको फिल्ममा मनिष राउतले मुख्य अभिनेताको रुपमा डेब्यु गर्ने भएका छन् । फिल्म क्षेत्रमा संघर्ष गरिरहेका मनिषले नेपालको फिल्म कलेज अस्कर इन्टरनेश्नलमा अभिनय अध्ययन गरेका छन् । उनीसँग दर्जनौं लघु फिल्ममा काम गरेको अनुभव छ ।
निर्माण टिमले नवअभिनेता राउतका केहि क्यारेक्टर पोस्टर सार्वजनिक गरेको छ । पोस्टरमा उनी पुरानो जमानाको बन्दुकसहित देखिन्छन् भने अर्कोमा बन्चरोसहित देखिएका छन् । ‘अ फर्बिडन लभ स्टोरी’ भनिएको उक्त रोमान्टिक सिरिजको यो फिल्म नववर्षको अवसर पारेर यहि चैत्र २८ गते प्रदर्शनमा आउने पक्का भैसकेको छ ।
फिल्ममा छेतन गुरुङ्ग र सन्तोष सेनको संयुक्त निर्देशन हुनेछ । छेतेन गुरुङ्ग र मन्दिप गौतमले लेखेको फिल्मलाई स्वयं निर्देशक सन्तोष सेन र विजय चामलिङ मिलेर निर्माण गर्दैछन्।
