काठमाडौं । गायक आरसी रिमाल र पवित्रा गुरुङको स्वरमा रहेको गीत ‘मायाको चिनो’को भिडियो सार्वजनिक भएको छ । ङवा फिङ्गु पाख्रिनको शब्द तथा संगीत रहेको उक्त गीतको भिडियो शिव बिकेले निर्देशन गरेका हुन् । अजय रेग्मीको छायांकन रहेको भिडियोमा मिलन बिके र पदम सुवेदीको सम्पादन रहेको छ ।
लोक फ्लेभरको उक्त गीतको भिडियोमा समाजसेवी शान्जे गुरुङ र मोडल अनुसुया ठकुरीको अभिनय रहेको छ । संगीतमा आफ्नो संघर्ष लामो भएको र यो गीतबाट आफु माथि उठ्ने विश्वास गायक रिमालको छ । गायक रिमालको यसअघी सार्वजनिक भएको गीत सिन्की अचार निकै चर्चित बनेको थियो ।
भिडियोमा अभिनय गरेका समाजसेवी गुरुङ देशका बिभिन्न स्थानमा रहेका जिर्ण मठ मन्दिर पुनर्निर्माणमा सकृय छन् । मोडलिङ आफ्नो रुचीको क्षेत्र भएकाले यसै गीत मार्फत मोडलिङ क्षेत्रमा पाइला चालेको उनको भनाई थियो ।
