काठमाडौं । नायिका नम्रता श्रेष्ठ र कलाकार प्रमोद अग्रहरिको ग्ल्यामर र एक्सनलाई समेट्दै फिल्म ‘जाइरा’को ट्रेलर सार्वजनिक भएको छ । आगामी भदौ ६ गतेबाट प्रदर्शनमा आउने फिल्ममा आशुतोष राज श्रेष्ठको निर्देशन छ । २ मिनेट एक सेकेण्डको ट्रेलरमा बदला, प्रेम र रोमान्सलाई प्राथमिकता दिइएको छ ।
फिल्ममा नम्रतालाई मिक्स मार्शल आर्ट खेलाडीको भूमिकामा देखाइएको छ । फिल्मका लागि उनले आफ्नो कपाल तिलाञ्जली दिएकी थिइन् । ‘जाइरा’मा नम्रता र प्रमोदसँगै अनुप बिक्रम शाही, रेमन दास श्रेष्ठ, नव–कलाकारहरु श्रृजना रेग्मी, सुजिता श्रेष्ठ र सम्राट मगरले शिर्ष भूमिकामा अभिनय गरेका छन् ।
निर्देशक श्रेष्ठ र निरोज महर्जनले पटकथा तयार पारेका हुन् । प्रशन्न गोपाली कार्यकारी निर्माता रहेको फिल्मलाई बाबु श्रेष्ठले खिचेका हुन् भने लोकेश बज्राचार्यको सम्पादन छ । अभिनेत्री श्रेष्ठको होम प्रोक्डक्सन नम्रता श्रेष्ठ प्रोडक्सन र ट्रेन्ड सेटर्सको ब्यानर तथा कटामरी फिल्मसको सहकार्यमा निर्माण भएको फिल्ममा सम्राट बस्नेको द्वन्द्व निर्देशन छ ।
