काठमाडौं । नेपालीहरुको महान चाड शुभ दिपावलीको अवसरमा लिबाङ फिलिम्श प्रोडक्सनको निर्माणमा तयार भएको पालाम यङघङओ लुङ्गे सार्वजनिक गरेको छ । लिम्बू जातीहरुको विवाहमा सोल्टासोल्टेनीको भेट भएपछि उनीहरुको पालामबाट मनका कुरा र भावना बेदनाहरु पोख्न थाल्छन । यही विषयलाई गीतमा समेटिएको छ ।
गायिका मनु नेम्बाङ र हस्त लिवाङको आवाजमा रहेको पालाममा नायिका र मोडल बबिता नेयोहाङ लिम्बू र विशाल लिबाङको मुख्य भुमिका रहेको छ । भिडियोमा मौसमी कन्दङ्वा लिम्बू, धिरेन्द्र थेगिम, रिसक लिबाङ र याक्थुङ के लाङ सयङ ललितपुरका कलकारहरु को अभिनय रहेको छ ।
कलाकारको ड्रेस डिजाइन सेम्फुङमाज बुटिक ललितपुर र पहिरन सिकुवेन्स फेसन हाउसको छ । भिडियोमा उत्सव दाहालको छायांकन, निशान घिमिरेको सम्पादन र लोकेन साम्बा लिम्बूको निर्देशन छ ।
