काठमाडौं । दार्जिलिङमा निर्माण भएको फिल्म ‘जिउँदो’को अफिसियल ट्रेलर सार्वजनिक भएको छ । पौराणिक कथामा निर्माण भएको फिल्मको ट्रेलरमा पूर्वी नेपाल तथा दार्जिलिङका स्थानिय कलाकारको अभिनय रहेको छ ।
अलमिस्ट सुब्बाको निर्देशनमा निर्माण भएको फिल्मको रिलिज मिति भने सार्वजनिक गरिएको छैन । निर्माण टिमका अनुसार माघ वा फागुन भित्र सिनेमा प्रदर्शन गर्ने लक्ष्य रहेको छ । फिल्ममा श्रद्धा शर्मा, प्रनिशा गहतराज, अलमिस्ट सुब्बा, बिरबल सुब्बा, अन्ना डन्नेबर्गा, एभलीन स्टिम्पफिग, पुजन घिसिङ, बुद्धिमान राई, प्रशान्त बराईली, निखिल गुरुङ, अशोक तामाङ लगायतका कलाकारको अभिनय रहेको छ ।
रोशन लखोटिया, नम्रता शर्मा र आशिष सुब्बा निर्माता रहेको फिल्मको कथा, पटकथा तथा संवाद निर्देशक सब्बाले लेखेका हुन् । अभिजित सरकार कार्यकारी, चंचल थापा र भास्कर थामीको छायांकन, समीर शर्मा, रजत विश्वास, अभिषेक ‘पिकोलो’ राई, सुमित राई, दिवस विश्वासको संगीत र चंचल थापा, स्यानन्त नाग, निर्देशक अलमिस्ट सुब्बाको सम्पादन फिल्ममा छ । वितरणको जिम्मा भारतका लागि भि मोसन पिक्चर्स र नेपालका लागी सुनिल मानन्धरले लिएका छन् ।
