काठमाडौं । आगामी चैत २१ गते रिलिज हुने फिल्म ‘लक्का जवान’को शीर्ष गीत ‘मन त मेरो लक्का जवान’ सार्वजनिक भएको छ । कलाकार शिवहरी पौड्यालको निर्देशनमा बनेको फिल्मको गीतमा सरोज खनाल, दीलिप रायमाझी, प्रियंका कार्की, सलोन बस्नेत, वर्षा सिवाकोटी, शिवहरी पौड्याललगायत फिचर्ड छन् । डिपी खनालको शब्द, बाबुल गिरीको संगीत तथा बाबुल गिरी र मीना निरौलाको स्वर रहेको गीतमा कविराज गहतराजको कोरियोग्राफी छ ।
शिवहरीकै कथा, पटकथा र संवादमा सरोज खनाल, दीलिप रायमाझी, प्रियंका कार्की, सलोन बस्नेत, वर्षा सिवाकोटी, शिवहरी पौड्याल, राजाराम पौडेल, सुशील पोखरेल, सुरेन्द्र केसी, जयनन्द लामा, अन्सुया श्रेष्ठ ओन्ता, सबिता गुरुङ, अन्जु महर्जनसँगै थुप्रै कलाकारले अभिनय गरेका छन् ।
किरण केसी, शिवराम पौड्याल र दीलिप रायमाझीको कार्यकारी निर्माण रहेको फिल्ममा पुरुषोत्तम प्रधानको छायांकन, र मित्र डी गुरुङको सम्पादन छ । फिल्ममा अन्सुया श्रेष्ठ ओन्ताको निर्माण तथा सुशील अर्याल, डेजी अर्याल, राजाराम पौडेल, राज केसी, सुरेन्द्र केसी र दीपेन्द्र खनियाँको सहनिर्माण छ ।
