काठमाडौं । फिल्म ‘प्रेमगीत ३’ को शीर्ष गीतको लिरिकल भिडियो सार्वजनिक भएको छ । गीतमा प्रताप दास र प्रविशा अधिकारीको स्वर, राजेशकुमार श्रेष्ठको शब्द र एलिश कार्कीको संगीत छ । फिल्मका चल र अचल दृश्य तथा तस्बिर समेटिएको गीतमा प्रदीप खड्का र क्रिस्टिन गुरुङ फिचर्ड छन् ।
गीतमा बाल कलाकार अनुभव रेग्मी र सम्वृद्धि शाही ठकुरीलाई पनि देख्न सकिन्छ । फिल्ममा प्रदीप, क्रिस्टिना, अनुभव र सम्वृद्धिका अलावा शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, योगिशा खत्री, क्रिजन गौतम, जीवन भट्टराईलगायतका कलाकारको पनि अभिनय छ । फिल्मका निर्देशक छेतेन गुरुङ र सन्तोष सेन हुन् ।
कल्याण सिंह र एलिश कार्कीको संगीत रहेको फिल्ममा राजेश श्रेष्ठको छायांकन, हिमाल केसीको एक्सन, कविराज गहतराजको कोरियोग्राफी र बनिश शाह तथा भुपेन्द्र अधिकारीको सम्पादन छ । छेतेन गुरुङ र मन्दीप गौतमको लेखन रहेको फिल्म आगामी चैत २८ गते रिलिज हुँदैछ ।
