काठमाडौं । चैत्र १४ गते बाट प्रदर्शनमा आउन लागेको फिल्म ‘इन्काउन्टर’ को गीत सार्वजनिक गरिएको छ । ‘आई लभ यु ’बोलको सार्वजनिक गीतमा जानु काम्वाङ लिम्बुको शब्द तारा प्रकाश लिम्बुको संगीतमा मेलिना राईको स्वर रहेको छ । गीतमा फुर्वा दोर्जे तामाङ र साबित्रा थिङलाई फिचरिङ गरिएको छ । गीतको भिडियो मलेशिया सिंगापुर लगायतका स्थानमा छांयाकन गरिएको छ । गीतलाई सुन्दर लावतीले कोरियोग्राफर गरेका हुन् ।
फिल्म ‘इन्काउन्टर’ मा , सबिन श्रेष्ठ, छुल्ठिम गुरुङ,दिनेश डिसी दिनेश खड्का, फुर्वा दोर्जे तामाङ, दिपक क्षेत्री, बि एस राणा, शुशिल पोखरेल, सुबास गजुरेल, सुनिल कटुवाल, बिपना बस्नेत, ध्रुव श्रेष्ठ, साबित्रा थिङ, राजन गुरुङ, सुरेश थापा दर्शने, बिनोद राई घ्याम्पे सुब्बा, सारदा अधिकारी काली बुढी, राधिका लगायतको अभिनय रहेको छ ।
फिल्मलाई नरेन्द्र भट्टराई (एन बी अन्जान)ले लेखन तथा निर्देशन गरेका हुन् । युजेश फिल्मस्को प्रस्तुती रहेको फिल्मलाई कुमार ओझा,दिनेश खड्का र कबिभक्त क्षेत्रीको निर्माण गरेका हुन् । दिलिप राजबंशी , देव राई र धन्नाजय भट्टराई फिल्मका सह निर्माता रहेका छन् । फिल्मको पटकथा सुन्दर लाबती तथा पत्रकार कृष्ण भट्टराईको सम्बाद रहेको छ । फिल्ममा सुमन तन्डुकारले छायाङ्कन रहेको छ भने तारा प्रकाश लिम्बुको संगीत रहेको छ ।
मलेशिया, सिंगापुर, इन्डोनेशिया, थाइलेण्ड,बर्मा र नेपालका विभिन्न ठाउँमा फिल्म र गीतहरु छायाङकन गरिएको छ । चैत्र १४ गते नेपालमा रिलिज हुने फिल्मको नेपाल रिलिज अगाबै मलेशिया, युरोप, कोरिया, जापान, हङकङ लगायतका देशहरुमा च्यारिटि गरिने निर्माण पक्षले जनाएको छ ।
