काठमाडौं । गायिका मेलिना राई र संगीतकार सुनिल मास्केको सहकार्यमा नयाँ गीत ‘जवानीको ऐना’ को भिडियो सार्वजनिक भएको छ । गीतमा अर्जुन रत्न भिखारीको शब्द छ ।
गीतमा रिकेश गुरुङले संगीत संयोजन गरेका छन् । गीत पञ्चामृत एल्बममा समावेश गरिएको छ । ए–वान म्युजिसियनमा रेकर्डिङ गरिएको यो गीतमा किशोर थापाको मिक्सिङ तथा मास्टरिङ र राजेश श्रेष्ठको रेकर्डिङ छ ।
गीतमा सञ्जीब बराइलीको गिटार, गोपाल घतानीको बासुरी, आई प्रोडक्सनका दीपेन गौतमको पर्कुसन सुन्न सकिन्छ । युवराज वाइवाद्वारा निर्देशित भिडियोमा नगमा श्रेष्ठ फिचर्ड छिन् । भिडियोमा मनिता गहतराजको कोरियोग्राफी, उत्सव दाहालको छायांकन र विकास दाहालको सम्पादन छ ।
