काठमाडौं । रंग पत्रकार एवं गीतकार शान्तिप्रियको शब्दमा रहेको तीज गीत ‘फूलबुट्टे सारी’को भिडियो सार्वजनिक भएको छ । गीतमा विन्दु परियारको स्वर तथा सुदिप सागरको एरेन्ज र संगीत छ ।
गीतकार शान्तिप्रियले यसअघि लेखेको तीज गीत ‘रातो सारी’को भिडियो सार्वजनिक भइसकेको छ । रिलिजका हिसावमा फूलबेट्टे सारी उनको दोश्रो गीत हो । सिफनको सारी बोलको उनको तेस्रो गीत आउने क्रममै छ ।
गायिका विन्दुको ‘फूलबुट्टे सारी’ यसवर्षको पहिलो तीज गीत हो । चलचित्र एवं आधुनिक गीत गायनमा चर्चित रहेकी विन्दुले ‘फूलबुट्टे सारी’ मौलिक भएकोले पनि आफूलाई मन परेको बताइन् ।
‘फूलबुट्टे सारी’को कोरियोग्राफी एवं भिडियो निर्देशन राजिव बलामीले गरेका हुन् भने सम्पादन पनि उनकै छ । गीतको छायांकार राजु केसी र श्रृंगारकर्ता दीभिषा शर्मा हुन् । छायाँछवि क्रियशनले निर्माण गरेको यस गीत फूलबुट्टे सारी सीसी नेपाल युटुव च्यानलबाट रिलिज गरिएको छ ।
