काठमाडौं । गायिका एलिना चौहानको स्वरमा गीत ‘पन्छी’ सार्वजनिक भएको छ । सुदीप आत्रेयको शब्द र किरण माइकल घिमिरेको संगीतमा रहेको गीतको भिडियोमा धन कमाउने सपना बोकेर विदेश पुगेका नेपाली चेलीले भोग्नु परेको पीडा प्रस्तुत गरिएको छ ।
फराज अर्पणले निर्देशन गरेको भिडियोमा गायिका एलिना, नम्रता अर्याल, गणेश पौडेल, सन्तोषकुमार थिङलगायतले अभिनय गरेका छन् । निर्देशक अर्पणकै छायांकन र सम्पादन रहेको भिडियो आत्रेय प्रोड्क्सन युट्युव च्यानलबाट सार्वजनिक गरिएको हो ।
गीतकार सुदीपले वास्तविक घटनाहरुलाई गीतमा प्रतिबिम्बित गरिएको बताए ।
