काठमाडौं । गायक प्रविन बेडवालको नयाँ गीत ‘मुटु भित्रै राख्छु तिमीलाई’को भिडियो सार्वजनिक भएको छ । गाउँको परिवेशमा बनेको यो भिडियोमा माया तथा स्नेह देख्न सकिनेछ । गीतमा दुर्गाप्रसाद कडरियाको शब्द र रमेश कडरियाको संगीत रहेको छ । गीत तथा भिडियोमा सम्पूर्ण व्यवस्थापकीय जिम्मेवारी कैलाश रेग्मीले लिएका छन् ।
गीतमा संगीत संयोजन उदयराज पौडेलले गरेका छन् । भिडियोका निर्माता तथा गीतकार दुर्गाप्रसाद कडरिया आफै रहेका छन् । यस भिडियोलाई निर्देशन भने रिकेश बज्राचार्यले गरेका छन् । भिडियोमा नवराज सिंह खड्का र प्रतिशा रिजाल फिचर्ड छन् ।
गीतकार कडरियाले हालसम्म प्रमोद खरेल, सीएल शर्मा, सज्जा चौलागाई, प्रेम शर्मा र नरेन्द्र प्यासीको स्वरमा गीत तथा म्युजिक भिडियो सार्वजनिक गरिसकेका छन् । गीतकार कडरियाका दुईवटा लिरिकल भिडियो र पाँचवटा म्यूजिक भिडियो सार्वजनिक भइसकेकोछ । कडरियाले म्यूजिक भिडियो दुर्गाप्रसाद कडरिया नामक आफ्नै युट्युब च्यानलबाट रिलिज गरेका हुन् ।
