काठमाडौ । अभिनेता पल शाह र मोडल रेश्मा घिमिरे अभिनित म्यूजिक भिडियो ‘क्या मज्जा आको’ रिलिज भएको छ । एजिएल इन्टरटेन्मेन्टको प्रस्तुती रहेको यो गीतको भिडियो एजिएल कै अफिसियल यूट्युब च्यानल मार्फत रिलीज भएको हो ।
राजनराज सिवाकोटीको संगीत रहेको यस गीतमा राजन राज र मेलिना राईको स्वर रहेको छ । गीतमा पल कृष्णको भूमिकामा र रेश्मा सीता र राधाको भूमिकामा छन् । अभिनेता निर्मल शर्माको समेत अभिनय रहेको भिडियोमा एक नाटकमा रहने कलाकारहरुको रिहर्सलको समयको कथा देखाईएको छ ।
भिडियोका निर्देशक गम्भीर बिष्ट हुन् भने नवराज उप्रेतीले छायांकन गरेका छन् । सम्पादन तथा कलर ग्रेडिङ नबिन निरौलाले गरेका छन् ।
