धरान । पूर्वको प्रतिष्ठित सौन्दर्य प्रतियोगिता ‘मिस पूर्वाञ्चल’को आयोजक संस्था सिल्भर इन्टरटेनमेन्टले हरेक वर्ष निकाल्दै आएको वार्षिक क्यालेण्डर यसवर्ष केही ढिला गरी सार्वजनिक गरेको छ ।
कोभिडका कारण कुनै कार्यक्रम बिना नै सार्वजनिक गरिएको ‘मिस पूर्वाञ्चल क्यालेन्डर २०७८’मा ‘मिस पूर्वाञ्चल २०१९’का विजेता रिजु भट्टराई, ‘फस्ट रनर अप’ एन्जल राई र ‘सेकेण्ड रनरअप’ सिम्रन लिम्बू र प्रतियोगीहरु अनुशा लिम्बू र शशी विशंखेका तस्वीरहरु संग्रहित छन् ।
इमी मेकअप स्टुडियोको मेकअप र मिलान्ज स्टोर, ड्रेसेसरिज नेपाल, पूर्वेली ढाका टोपी ट्रेडर्स र ग्रेसियस बुटिकका विभिन्न पहिरनमा सजिएका र फोटोग्राफर रोजेश शाक्यको फोटोग्राफी रहेको क्यालेण्डरमा १२ महिनाका १२ मोडलिङ फोटोहरु संग्रहित छन् ।
आयोजकले कोभिडको महामारीका कारण गतवर्ष क्यालेण्डर निकाल्न नसकेपनि यो वर्ष निरन्तरता दिनका लागि भए पनि निकालिएको जनाएका छन् । २०७६ पौष ५ मा आयोजित ‘मिस पुर्वाञ्चल’को दसौं संस्करण पछि कोभिडकै कारण प्रतियोगिता रोकिएको छ ।
