काठमाडौं । महिलाहरुको महान पर्व हरितालिका तिज नजिकिएसँगै तिजका गीत सार्वजनिक हुने क्रम बढेको छ । यही क्रममा गायिका शान्ता जिसीको स्वर रहेको नयाँ गीत ‘घरबारी’को म्युजिक भिडियो सार्वजनिक भएको छ ।
प्रेम सापकोटा सोनु र शान्ता जिसीको स्वर रहेको गीतमा प्रेम सापकोटाको शब्द र संगीत छ ।
महेन्द्र भण्डारीको म्युजिक एरेन्ज, खडक बाजुरालीको साउण्ड मिक्सिङमा तयार गीत मालाश्रीमा रेकर्ड गरिएको हो । प्रकाश भट्ट निर्देशित भिडियोमा रामजी खाँड र अनु पराजुलीलगायत फिचर्ड छन् ।
भिडियोमा राजेश घिमिरेको छायांकन र विष्णु शर्माको सम्पादन छ । गीत शान्ता जिसीकै अफिसियल युट्युब च्यानलबाट सार्वजनिक गरिएको हो । यसअघि गायिका जिसीले सार्वजनिक गरेका गीतहरु ‘जापानिज साडी’, ‘बरीलै’, ‘बाहिर कुरा नगर’ हिट छन् ।
