काठमाडौ । मोडल तथा गीतकार इन्दु दनुवार र सुरज लामिछानेको नयाँ म्युजिक भिडियो ‘सहारा’ सार्वजनिक भएको छ । प्रताप दासको स्वर रहेको गीतमा मायाका कुरा गरिएको छ ।
कथाकार र निर्देशक सुरज लामिछानेको निर्देशन रहेको भिडियोमा निक्स शर्मा र इन्दु दनुवार फिचर्ड छन् । भिडियोमा रोशन बुढाथोकी, सुरेश देसार र यमुनाको पनि अभिनय रहेको छ ।
भिडियोमा कोरियोग्राफर नारायण रिजाल, सिनेम्याटोग्राफर र ड्रोनमा मोहनकुमार झिल्लु, मेकअपमा सोनी राई, स्टिल क्यामरामा के बि नेपाली अनि कलर एडिटिङमा अनिलकुमार महर्जन रहेका छन् ।
भिडियो ओएसआर डिजिटलमार्फत सार्वजनिक गरिएको छ ।
