काठमाडौं । गायक सञ्जीव पराजुलीको नयाँ गीत ‘क्यार्ने हो’ सार्वजनिक भएको छ । गीतमा वसन्त सापकोटाको संगीत तथा शब्द छ । भिडियो बिहीबार साँझ सार्वजनिक गरिएको हो ।
गीतमा राजन इशानको संगीत संयोजन छ । राहुल शाहको अवधारणा, कोरियोग्राफी तथा निर्देशनमा बनेको भिडियो वान सटमा खिचिएको छ ।
नेपाली म्युजिक भिडियोको इतिहासमा यो सम्भवतः पहिलो प्रयोग भएको गायक पराजुलीको भनाइ छ । भिडियोमा राहुल शाह, अलिशा शर्मा, युमी बलामी, भाइब एण्ड वेभ ग्रुप तथा नृत्य ट्रुप्स नेपालको अभिनय तथा नृत्य छ ।
भिडियोमा पवन सुस्लिङको छायांकन तथा सम्पादन रहेको छ । गायक पराजुलीका यसअघिका ‘नाइँ मलाई थाहा छैन’, ‘कर्के नजर’, ‘छैन मलाई पिर’लगायतका गीत लोकप्रिय छन् ।
