काठमाडौं । गायकद्वय लीला श्रेष्ठ र नकुल थापाको सहकार्यमा ‘रातो कार’ बोलको लोकदोहोरी गीत भिडियोसहित सार्वजनिक गरिएको छ ।
भिडियो हालै त्रिपुरा म्युजिक युट्युब च्यानलमार्फत सार्वजनिक गरिएको हो । त्रिपुरा म्युजिकको प्रस्तुति रहेको गीतमा लीला र नकुलका साथमा गायिकाद्वय स्मृति गौतम तथा सानु धमलाको समेत स्वर रहेको छ । गायक लीलाकै लय र संगीत रहेको गीतलाई पूर्ण गुरुङले एरेञ्ज गरेका हुन् ।
भिडियोमा मोडलहरु लोमस शर्मा र अनु पराजुलीको साथमा सुदीप श्रेष्ठ, सुमन श्रेष्ठ, दीपा तामाङ र रुपा तिमल्सिनाको अभिनय छ ।
गायक तथा सर्जक लीलाको ‘सरर बसको झ्यालैमा’, ‘मलाई माया’, ‘कमल फूल फुल्यो’, ‘हातमा घडी’जस्ता गीत छन् भने गायक नकुलले यसअघि ‘कर्कलाको पानी’, ‘पीपलु र वर’, ‘सुनकोसीमा बलेफी दोभान’जस्ता गीत सार्वजनिक गरिसकेका छन् ।
मिलन श्रेष्ठले निर्देशन गरेको भिडियो राजाराम सिखडाले कोरीयोग्राफ गरेका छन् भिडियोमा सन्तोष तिमल्सिनाको छायांकन र रोशन धितालको सम्पादन रहेको छ ।
