काठमाडौँ । भाद्र १ गतेबाट देशभर प्रदर्शनमा आउने फिल्म ‘जुलेबी’ को टिजर सार्वजनिक भएको छ । सार्वजनिक एक मिनेट दश सेकेन्ड लामो टिजरमा लभ र रोमान्सका दृश्यहरुलाई प्राथमिकता दिइएको छ। फिल्मको निर्माता आभा शर्मा नेपाल हुन् । फिल्मले तीन घटनालाई चित्रण गर्ने कार्यकारी निर्माता नवीन भट्टले जानकारी दिए ।
एन्थोलोजी जनरामा निर्माण भएको फिल्ममा उषा रजक, सुरक्षा पन्त, निशा अधिकारी, मोनिका थापा, सुशील सिटौला, पुष्कर कार्की, तुफान थापा लगायत कलाकारको अभिनय रहेको छ।
फोर क्युब इन्टरटेन्मेन्टको ब्यानरमा निर्माण भएको फिल्म गणेशदेव पाण्डेले निर्देशन गरेका हुन् । फिल्ममा विवेक खड्काको छायाङ्कन र अन्जय खड्काको सम्पादन छ । फिल्मको केही देशको विदेश राइट समेत बिक्री भएको निर्माताले शर्माले जानकारी दिइन् ।
फिल्मको वितरण डिसीएन र रिच इन्टरटेन्टमेन्टले गर्नेछन्। चलचित्रको डिजिटल राइट्स डिएआर मुभिजले खरिद गरेको छ।
