काठमाडौं । २०८१ जेठ १० गते रिलिज हुने फिल्म ‘पुजार सार्की’को टिजर सार्वजनिक भएको छ । टिजरमा अभिनेताहरु आर्यन सिग्देल, प्रदीप खड्का र पल शाहसँगै दुई अभिनेत्री अञ्जना बराइली र परीक्षा लिम्बु फिचर्ड छन् ।
१ मिनेट १४ सेकेन्डको टिजरमा अभिनेता आर्यन पुजारीको भूमिकामा देखिएका छन् । डोली चढेर आउँदै गरेका उनी सामन्त जस्तो देखिन्छन् । मैतबहादुर बनेका प्रदीप ढोल पिट्दै गरेका देखिन्छन् । अर्को दृश्यमा पलसहित गाउँलेले आर्यन र प्रदीपलाई खेदाइरहँदा गाउँलेले हानेको ढुंगा लागेर प्रदीप र आर्यनलाई घाइते भएको देखाइएको छ । पललाई हातमा भरुवा बन्दुक बोकेर बन्दुक पड्काएको देख्न सकिन्छ । दुई अभिनेत्रीलाई गाउँले परिवेशमा देखाइएको छ ।
दिनेश राउत निर्देशित फिल्ममा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराललगायतको पनि अभिनय छ । फिल्ममा संगीतकार सुबास भुषालको निर्माण छ ।
