काठमाडौं । लंका फिल्म प्रालिको व्यानरमा निर्मित फिल्म ‘ब्ल्याक छायाँ’ को ‘बुट्टे रुमाल’ गीत ओएसआर डिजिटल मार्फत सार्वजनिक भएको छ । गीतमा शब्द डिबि खनाल, संगीत राजेन्द्र बजगाई, स्वर भुवन प्यासी र मेलिना राईको रहेको छ ।
आगामी साउन ११ गतेबाट रिलिज हुने फिल्ममा आरएल लामा मोक्तानको निर्देशन छ । फिल्ममा नीर शाह, सुनील थापा, धीरेन शाक्य, सलोन बस्नेत, सुष्मा कार्की, जान्हवी बस्नेत, बुद्धि तामाङ, रुविना कार्की, शोभित बस्नेत, रविन्द्र झा, निमा दोर्जे मोक्तान, आरएल लामा मोक्तान लगायतको अभिनय रहेको छ ।
फिल्मका निर्माता रेल्लुमाया तामाङ, बिन दुरुङच्याङ मगर ‘मैना’, आर. सोनाम मोक्तान हुन । खड्ग लामा मोक्तान प्रस्तुतकर्ता रहेको फिल्ममा सहनिर्मातामा सोशिका तामाङ ‘रजनी’, श्यामबहादुर मोक्तान ‘डेबिट’ रहेका छन् ।
