काठमाडौं । फिल्म ‘यो मन त मेरो नेपाली हो’ को सम्पूर्ण छायांकन सकिएको छ । ‘आखै रसिलो’ बोलको गीतको छायांकन सकिए लगतै फिल्मको छायांकन सकिएको हो । द भ्वाइस अफ नेपालको स्टुडियो र बालाजु ल्याबमा आइतबारबाट छायांकन गरिएको गीतको आज बिहान छायांकन सकिएसँगै फिल्मको सम्पूर्ण छायांकन सकिएको हो ।
गीतमा दीपक शर्माको शब्द तथा संगीत रहेको छ भने अस्मिता अधिकारी र सबिन सुबेदीको स्वर रहेको छ । गीतलाई कविराज गहतराजले कोरियोग्राफी गरेका हुन् । गीतमा फिल्मका मुख्य कलाकार रोशन श्रेष्ठ र आयुषा समालसगै मेरो डान्स युनिभर्सकी बिजेता खुशी कार्की ,नारायण प्रधान ,डि आइडीका टप टेन डान्सर नरेश वीर सिंहलाई फिचर्ड गरिएको छ ।
फिल्मको केहि दिन अघि अमेरिकामा समेत छायांकन गरिएको थियो । फिल्म नेपालको झापा ,इलाम साथै भारतको सिक्किम ,दार्जीलिङ,जयगाउ पश्चिम् बङ्गाल लगायतको ठाउमा छायांकन गरिएको छ । फिल्ममा भारत ,मलेसिया ,पोल्याण्ड ,अस्टिया ,बेल्जियम ,ट्युनिसिया ,जर्मनी, साउथ अफ्रीका लगायतका देशका कलाकारहरुको अभिनय रहेको छ।
अमेरीकामा रहेका साहित्यकार मित्र प्रधान (नर)को निर्देशन रहेको फिल्ममा ज्ञानबहादुर प्रधान (रोशन)को निर्माण छ । फिल्ममा रोशन श्रेष्ठ, विल्सन विक्रम राई, बुद्धि तामाङ ‘हैट’, विजय बराल ,आयुषा समाल, नारायण खाती,भुपेन्द्र लिङ्देन ूमन्त्रीू,सुबास भन्डारी,बिजय सुब्बा,बिजिता बर्देवा, देवराज राजबन्शी लगायतको अभिनय रहेको छ। फिल्मकी नायिका आयुषा समाल मेरो डान्स कप युएसए कि फर्स्ट रनर अप हुन् ।
पद्मा ईश्वर ईन्टरटेन्मेन्ट प्रा।लि।को प्रस्तुतीमा मित्र प्रधान (नर) को प्रस्तुतिमा निर्माण भएको फिल्मले विदेशमा रहेका नेपालीको मुद्धालाई उठान गर्दैछ । फिल्मले नेपाली भाषा, साहित्य, कला, यसको ईतिहास, महत्व र नेपाली भाषाको गौरवसंगै नेपाली को हुन् भन्ने विषयबस्तुलाई उठान गर्न खोजेको छ ।शिवम् अधिकारीको लेखनमा निर्माण भएको चलचित्रले विश्वका विभिन्न देशहरुमा बसोबास गर्दै आएका नेपालीहरुले आफ्नो कला, संस्कार, संस्कृति विर्सदै गएको हुदा चलचित्रको माध्यमबाट नेपाली भाषा प्रतिको आकर्षण, महत्व र ईतिहास दर्साउन खोजिएको छ ।
मित्र प्रधान (नर) को कथा तथा निर्देशन रहेको फिल्ममा दिपक शर्माको संगीत ,सौरभ लामाको छायांकन ,देव महर्जन द्वन्द्व ,समिर मियाको भिएफएक्स , ,कविराज गहतराजको कोरियोग्राफी रहेको छ।
