काठमाडौं । आइफोनद्वारा खिचिएको फिल्म ‘अ प्लेस अन्डर द सन’ एमएसएम भिडियोमा सार्वजनिक भएको छ । केही हप्ता अगाडि यो फिल्म एमेजन प्राइम भिडियो अमेरिका र क्यानाडामा रिलिज भएको थियो ।
नेपाली दर्शकहरुले प्राइममा हेर्न नमिलेको र फिल्म नेपालमा पनि हेर्न मिल्नु पर्यो भनेर माग गरेपछि फिल्म शुक्रबार एमएसएम भिडियोमा सार्वजनिक भएको हो । एमएसएममा फिल्म सार्वजनिक भएपछि दर्शकहरुले फिल्म राम्रो बनेको भन्दै तारिफ गरेका छन् ।
एमएसएम भिडियोमा हाल ‘बेहुली फ्रम मेघौली’, ‘फर्की फर्की’, ‘खुश्मा’, ‘अगस्त्य’ लगायतका फिल्महरु प्रदर्शन भइरहेका छन् । ‘अ प्लेस अन्डर द सन’मा जेसन लोप्चनको लेखन र निर्देशन छ । फिल्ममा निर्माताको रुपमा उमेश खड्का र छायाकार प्रबिन लिम्बु हुन। फिल्म १ घन्टा ३५ मिनेट क्राइम ड्रामा विधामा बनेको छ ।
