काठमाडौं । आगामी माघ ४ गतेबाट प्रदर्शनमा आउने फिल्म ‘एक्टर’को गीत ‘चिरी च्याट्ट बरिलै’ सार्वजनिक भएको छ । ओएसआर डिजिटलमार्फत सार्वजनिक गीतमा रिता रायमाझीको शब्द, मनोहरी थापा र सुनिता कार्कीको स्वर तथा संगीतकार सम्राट थापाको संगीत छ ।
भिडियोमा नायक प्रिन्स थापा र कविता नेपाली फिचर्ड छन् । नेपाल डाइस्पोरा इन्टरटेनमेन्टको प्रस्तुति रहेको फिल्म आधुनिक परिवेश, प्रेम, रोमान्स, थ्रिलर्स सस्पेन, मनोरञ्जनपुर्ण रहेको निर्माता मनोहरी थापाले बताए ।
फिल्ममा प्रिन्स थापा, शिवानी गिरी, कशिस दाहाल, कृष्ण मल्ल, सरोज खनाल, शिबु शाह, निशा केसी भण्डारी, महेन्द्र मैनाली लगायतका कलाकारको अभिनय छ ।
फिल्ममा सम्राट थापाको कथा तथा संगीत रहेको छ । यसमा सम्राट बस्नेतको द्वन्द्व, माइकल चन्दको नृत्य, युवराज राई र डम्बर राईको छायाँकन, मदन घिमिरेको निर्देशन रहेको छ ।
