काठमाडौं । आगामी माघ ४ गतेबाट देशभर एक साथ प्रदर्शनमा आउने फिल्म ‘एक्टर’को ट्रेलर ओएसआर डिजिटल मार्फत सार्वजनिक भएको छ ।
आधुनिक परिवेश, प्रेम, रोमान्स, थ्रिलर्स सस्पेन, मनोरञ्जनपुर्ण फिल्म ‘एक्टर’का निर्माता पत्रकार मनोहरी थापा हुन् । ट्रेलरमा प्रेम, रोमान्स, एक्सनलाई प्राथमिकता दिइएको छ ।
फिल्ममा प्रिन्स थापा, शिवानी गिरी, कशिस दाहाल, कृष्ण मल्ल, सरोज खनाल, शिबु शाह, निशा केसी भण्डारी, महेन्द्र मैनाली लगायतका कलाकारको अभिनय छ ।
मदन घिमिरेको निर्देशन रहेको फिल्ममा सम्राट थापाको कथा तथा संगीत छ । फिल्म नेपाल डाइस्पोरा इन्टरटेनमेन्टको व्यानरमा निर्माण भएको हो ।
