काठमाडौं । फिल्म ‘लिली बिली’ जोडी नायक प्रदीप खड्का र नायिका जसिता गुरुङको अभिनय रहेको फिल्म ‘लभ स्टेसन’को प्रेममय गीत ‘घाम जुन चाहिँदैन’ सार्वजनिक भएको छ । आगामी चैत २२ गतेबाट रिलिज हुने फिल्मको यो गीत भ्यालेन्टाइन डेको दिन सार्वजनिक गरिएको हो ।
दीपक शर्माको शब्द र संगीत रहेको गीतमा सुगम पोखरेल र रेश्मा पुन मगरको स्वर छ । गीत भियतनामको दानाङ, बाना हिल, ड्राईगन ब्रिज, हालम्बे, हानोई र इन्डोनेशियाको बालीमा छायांकन गरिएको छ । फिल्मका प्रस्तुतकर्ता प्रस्तुतकर्ता गोविन्द शाहीले गीतको माग अनुसार नै सुन्दर ठाउँमा छायाँकन गरिएको बताए ।
उज्जवल घिमिरेको निर्देशन रहेको फिल्ममा रमेश बुढाथोकी, प्रकाश शाह, रेशु भट्टराई, विनोदकुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानालगायतको पनि अभिनय छ ।
लभ स्टेशनलाई काफिया फिल्मस्को व्यानरमा काफिया शाही (क्रिसु) र कविरबिक्रम शाहीले निर्माण गरेको फिल्ममा आलोक शुक्लाको छायांकन, शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत छ ।
