काठमाडौं । नायक बाबु बोगटी र नायिका नन्दिता केसी अभिनित फिल्म ‘अमेरीकन बाबु मेड इन नेपाल’ युट्युबमा सार्वजनिक भएको छ । अमेरिकामा निर्माण गरिएको फिल्ममा इश्वर थापाको निर्देशन छ ।
उनले फिल्मका निर्माता बाहिर रहेको र नेपालमा वितरक तथा हलवालासँग बारम्बार ताकेता गर्न नसकेको कारण फिल्म ड्रिम्स गेट नेपालको अफिसियल यूटुव च्यानलमा मा रिलिज गरिएको बताए । ड्रिम्स गेट नेपालको व्यानरमा निर्माण गरिएको फिल्मले लगानीको ८० प्रतिशत रकम अमेरिका र क्यानडाबाट उठाइसकेको छ ।
फिल्ममा बाबु बोगटी, नन्दिता केसी, स्मृति पोखरेल, एहशान ढकाल, राजेश गुरुङ, क्रिस थापा, अन्जली लामा, प्रवेश उप्रेती पल, प्रियंका आएर, रघु गिरि, जांगबु शेर्पा, सुरेन्द्र बास्तोलालगायतको अभिनय छ । फिल्म राजेश गुरुङ, मन्जु राना र सम्झना उप्रेतीले निर्माण गरेका हुन् ।
