काठमाडौं । आगामी कार्तिक २२ गते रिलिज हुने फिल्म ‘सत्या’ को ट्रेलर सार्वजनिक भएको छ । गत आइतबार राजधानीमा एक कार्यक्रमका बीच कलाकार विकास थापा मगरको जन्मदिन मनाउँदै फिल्मको फिल्मको ट्रेलर र पोस्टर सार्वजनिक गरिएको हो ।
मिलन आले मगर निर्देशित फिल्मको ट्रेलरमा प्रेम, रोमान्स र द्वन्द्वलाई देखाइएको छ । फिल्ममा विकासका अलावा राज कालाखेती, प्रिया शर्मा, करण सिंह बोहोरा, बर्षा थिङ्ग, सुमन खत्री, विकास थापा, गौरव सम्राटलगायतको अभिनय छ ।
फिल्ममा विकास चौधरीको संगीत, सुमन कुमार तण्डुकारको छायांकन, तारा थापा ’किम्भे’ को सम्पादन, श्रवण सम्राटको कथा र देव महर्जनको द्वन्द्व छ । फिल्मको गीतमा रामजी लामिछाने, सुरेश पाण्डे र सुरेश बस्यालको कोरियोग्राफी छ । झम्कीदेवी कालाखेती, सुमन खत्री र करण सिंह बोहोरा निर्माता रहेको फिल्ममा मदन थिङ्ग कार्यकारी निर्मातामा छन् ।
