काठमाडौं । मिलन आले मगरले निर्देशन गर्ने नयाँ फिल्म ‘रिज अफ रिया’ निर्माणको काम शुरु भएको छ । फिल्म निर्माण श्रृंखला अन्तर्गतको गीत रेकर्डिङको काम सकिएको छ । फिल्मको गीतमा गायिका अन्जु पन्तको स्वर सुन्न सकिन्छ । गीतको हालै मात्र गुन्जन रेकर्डिङ स्टुडियोमा गीतको रेकर्डिङ गरिएको छ ।
फिल्म आगामी साउन ३० गतेबाट काठमाडौं, मुस्ताङलगायतका स्थानमा छायांकन गरिनेछ । धनेश्वर फिल्मस्को प्रस्तुती फिल्ममा नविन अधिकारी, कसिस दाहाल, करण सिंह बोहोरा, विकास थापा मगर आदिको अभिनय रहनेछ ।
फिल्ममा विकास चौधरीको संगीत, देव महर्जनको द्वन्द्व, यम आले मगरको छायांकन र खामेश श्रेष्ठको मुख्य सहायक निर्देशन रहनेछ ।
