काठमाडौं । गत बिहीबारबाट प्रदर्शनमा आएको फिल्म ‘हजार जुनीसम्म’को नयाँ गीत ‘सत्य सत्य’ सार्वजनिक भएको छ । दर्शकले गीतमा आर्यन सिग्देल र प्रियंका कार्कीलाई देख्नेछन ।
गीतमा मानस थापाको शब्द, प्रविन पौडेलको संगीत र सुगम पोखरेलको स्वर रहेको छ । गीत सिक्किमकै हिमाली भेगमा छायांकन गरिएको छ । प्रियंका र आर्यनको गीतलाइ चाँगु लेक माथि खिचिएको हो ।
नाई नभन्नु ल सिरिजका निर्देशक बिकासराज आचार्यको निर्देशनमा तयार फिल्मलाई प्रेम कथामा आधारित फ्यामिली ड्रामा भनिएको छ । फिल्ममा आर्यन सिग्देल, स्वस्तिमा खड्का, संचिता लुइँटेल, शिवहरी पौडेल, अखिलेस प्रधान, संचिता लुइँटेल र अनुभव रेग्मीलगायतको अभिनय रहेको छ ।
