काठमाडौं । नेपाल आइडलको यात्रापछि चर्चामा आएकी गायिका अस्मिता अधिकारीको स्वरमा नयाँगजल ‘त्यो जुनेली रात’ सार्वजनिक भएको छ । गजलमा सुरेश वाग्लेको शब्द र अर्जुन पोखरेलको संगीत छ । सार्वजनिक भिडियोमा गायिका अस्मितासँगै पुष्कर कार्की फिचर्ड छन् ।
निकेश खड्काको निर्देशनमा बनेको भिडियोमा अस्मिता र पुस्करको प्रेमिल यात्रा प्रस्तुत छ । गजलमा गोपाल रसाइलीको संगीत संयोजन रहेको छ । अस्मिताले मिठो शब्दले भरिएको गजलसँग सहकार्य गर्न पाएकोमा खुसी व्यक्त गरिन् ।
भिडियोका निर्देशक खड्काले गजलको भाव अनुरुप नयाँ सांगीतिक कोशेली बजारमा आएकाले दर्शकको साथ पाउनेमा ढुक्क रहेको सुनाए । सार्वजनिक भिडियोमा बुद्ध थापाको क्यामेरा तथा विकास धमलाको सम्पादन छ ।
