काठमाडौं । आगामी मंसीर १३ गतेलाई रिलिज मिति तोकेको फिल्म ‘प्रेम संसार’ को दोस्रो गित ‘सुन सुन चम्पा’ सार्वजनिक भएको छ । सार्वजनिक गीतमा बुगी वुगी बिजेता कविता नेपाली, प्रेम सोनी र मोनिका दाहाल फिचर्ड छन् । गीतमा रामचन्द्र काफ्ले र जुनु रिजालको स्वर तथा अर्जुन पोखरेलको शब्द र संगीत छ ।
गीतमा एकेन्द्र सारा संसारको कोरियोग्राफी छ । फिल्ममा प्रेम सोनी, कबिता नेपाली, आयुष्मा कार्की , मोनिका दाहाल बिबिशा पाण्डे,राम गौतम अर्जुन पौडेल, करण पौडेल,सुनिल बिक,यम बहादुर बिक,बिजय सुनार टंक मरासैनी, किशोर पाण्डे, लगाएतका कलाकारको अभिनय रहेको छ ।
सोनी फिल्म्सको प्रस्तुतिमा राम गौतमको निर्देशन रहेको फिल्ममा प्रेमबहादुर सुनार(गहतराज)को कथा लेखन, निर्माण तथा प्रस्तुतकर्ता छन् । फिल्ममा उतम केसी र देबीन गहतराज कार्यकारी निर्माता,कमल सुनार र सीता सुनार निर्माता छन् । फिल्ममा अर्जुन पोख्रेल र बिबि अनुरागीको संगीत, शंकर महर्जनको द्वन्द, एकेन्द्र सारा शंकर र राम गौतमको कोरियोग्राफी, दिपेन्द्र बस्न्यातको छायांकन रहेको छ ।
