काठमाडौं । त्रिकोणात्मक प्रेमकथाको फिल्म ‘लभ यु हमेशा’ को ट्रेलर सार्वजनिक भएको छ । आगामी कार्तिक २२ गते देशभर र त्यसभन्दा एकसाता अघि अर्थात १५ कार्तिकमा भारतमा प्रदर्शन हुने तयारीमा रहेको फिल्मका निर्देशक भास्कर प्रधान हुन् ।
प्रदर्शन मिति नजिकिदै गर्दा फिल्मले दर्शकमुखी कार्यक्रम सुरु गरेको छ । फिल्मका प्रमुख कलाकारहरुले राजधानीका सिंगल तथा मल्टिप्लेक्स सिनेमा घरमा पुगी दर्शकलाई विभिन्न खेल खेलाउदै पुरस्कार स्वरुप ‘लभ यु हमेशा’अंकीतकप, पेन तथा डायरी प्रदान गरिरहेका छन् । दर्शक साक्षात्कार कार्यक्रम मंगलबार चावहिलस्थित गोपीकृष्णहलबाट सुरु गरिएको हो । फिल्मका प्रमुख अभिनेता यशराज गरच, अभिनेत्री फिजा योन्जन, ऋचा थापा तथा हास्यकलाकार गोपालढकाल ‘छन्दे’ ले दर्शकहरुसँग साक्षात्कार गरिरहेका छन् ।
कलाकारको टोलीशुक्रबार कमलपोखरीस्थित बिगसिनेमामा पुगेर दर्शकसँग खेल खेल्दै फिल्मको प्रचार गरेको थियो । निर्देशक प्रधानकै लेखन रहेको फिल्मयवन गुरुङले निर्माण गरेका हुन् । मिलन गुरुङ सहनिर्माता रहेको फिल्मले फेसबुक प्रोफाइलमा ‘लभ यु हमेशा’ को फ्रेम राख्ने मध्ये हरेक हप्ता एकजना दर्शकलाई नगद २५ सयका साथमा विभिन्न उपहार प्रदान गर्ने घोषणा गरेको छ । फिल्म प्रदर्शन भन्दा दुई साताअघिबाट दैनिक रुपमा फेसबुक तथा टिभी लाइभशोमार्फत उपहार विजेता सार्वजनीकगरिने निर्माणपक्षले जनाएको छ ।
धर्मा क्रियशनको ब्यानरमा निर्माण भएको फिल्म शिव ढकालले खिचेका हुन् । भारतको कालेबुङ, सिलुगुढी तथा फिलिपिन्सका विभिन्न स्थानमा खिचिएको फिल्ममा यशराज, फिजा र गोपालका साथमा ऋचा थापा, शिसिर राणा, करुणा श्रेष्ठ, निराजन मेहता, पिटी योल्मा, सल्देन तामाङ, प्रमीला राईलगायतका कलाकारले अभिनय गरेका छन् । भासुको संगीत, कमल राई र रामजी लामीछानेको कोरियोग्राफी र मिलन श्रेष्ठको सम्पादन रहेको फिल्मको बितरण रिच इन्टरटेन्मेन्टले गर्दैछ ।
