काठमाडौं । गायिका बुनु श्रेष्ठको नयाँ गीत ‘साथ हुदैमा’ सार्वजनिक भएको छ । सार्वजनिक गीतमा नरेशकुमार प्रधानको शब्द र सजल न्यौपानेको संगीत रहेको छ । गीतमा संगीत संयोजन भने बि एन निराकारले गरेका छन् । युट्युबमा सार्वजनिक भएको गीतले ‘पैसा नै सबै थोक होइन भन्ने भाव बोकेको छ ।
पैसा नै सबथोक होइन र पैसाले सबथोक किन्न सकिदैन भन्ने कथा गीतले बोकेको छ । पैसाले खुशी र सुख किन्न सकिदैन भन्ने बिषयमा गीतमा देखाईएको छ । यही शब्दको कारण गीतले फरक स्वाद पस्केको छ ।
गीतको भिडियोमा बर्षा राउत, गजित बिष्ट लगायत फिचर्ड रहेका छन् । गम्भिर बिष्टले निर्देशन गरेको भिडियोलाई नवराज उप्रेतीले खिचेका हुन् । सुबोल थापा सह–निर्देशक रहेको भिडियोमा नबिन निरौलाको सम्पादन रहेको छ ।
