काठमाडौं । वर्षकै सर्वाधिक सफल फिल्म ‘छ माया छपक्कै’ डिश होमको सिनेमाघर च्यानल नम्बर १०८ मा प्रदर्शन हुने भएको छ । दीपेन्द्र लामाकोकथा र निर्देशन रहेको यो फिल्म आगामी मंसीर १३ गतेबाट प्रदर्शन हुन लागेको छ । फिल्ममा दीपकराज गिरी, केदारप्रसाद घिमिरे(माग्ने बुढा), जितु नेपाल(मुन्द्रे), केकी अधिकारी, बुद्धि तामाङलगायतका कलाकारको अभिनय छ ।
डिसहोमले हलसम्म गएर फिल्म हेर्न नभ्याउने र हलहरुको सहज पहुँच नभएको दर्शकहरुका लागि न्यूनतम शूल्कमा सपरिवार घरैमा बसी फिल्म हेर्न मिल्ने पे पर भ्यु सुुविधा उपलब्ध गराईरहेको छ ।
यो सुुविधाअन्तर्गत सञ्चालन भईरहेको सिनेमाघर च्यानल नं. १०८ मा नयाँ नेपाली फिल्म हलमा लागेसँगै वा हलमा लागेको केहि समय पछि न्युनतम शुल्कमा हेर्न सकिन्छ । हरेक दिन आठ शो प्रदर्शन हुने सिनेमाघर एसएमएस पठाएर, डिशहोमको ग्राहक सेवा केन्द्रमा फोन गरेर र नजिकै डिशहोम बिक्रेतासँग सम्पर्क गरेर सजिलै खुलाउन सकिन्छ ।
आमा सरस्वती मुभिज र रोहित अधिकारी फिल्मस्को ब्यानरमा निर्माण भएको वर्षकै सर्वाधिक सफल फिल्म गत कात्र्तिक २४ गतेदेखि विभिन्न सहरहरुका मूख्य हलहरुमा सार्वजनिक रुपमा प्रदर्शन भएको थियो । फिल्मले नेपालीसिनेमा जगतमा उत्कृष्ट प्रदर्शन कायम गर्न सफल रहेको छ । व्यापारको उच्च प्रतिफल पाएको यस फिल्म ५१औँ दिन मनाउने तयारीमा रहेको छ ।
