काठमाडौं । अभिनेता विपिन कार्कीलाई फरक गेटअपमा प्रस्तुत गरिएको फिल्म ‘सेल्फी किंङ’को टिजर सार्वजनिक भएको छ । माघ २४ गतेबाट प्रदर्शनमा आउने फिल्मको सार्वजनिक टिजरमा अभिनेता विपिनले आफू सेल्फी किङ बन्दा भोगेको पीडालाई देखाइएको छ । उनले स्टारडम र पपुलारिटी मुतको न्यानो जस्तै आफ्नो जीवनलाई व्यक्त गरेका छन् ।
फिल्ममा विपिन कार्की ‘सेल्फी किंङ’को नामले परिचित हाँस्य कलाकार (टेलिभिजन) को भुमिकामा देखिएका छन् । फिल्मले उक्त कलाकारले कला यात्राको दौरान आफुले पाएको सफलता र व्यक्तिगत जीवन बिचको सन्तुलन मिलाउन गर्ने संघर्षको कथा भन्नेछ ।
विशाल सापकोटाले निर्देशन गरेको फिल्ममा विपिनका अलावा लक्ष्मी बर्देवा, भुवन चन्द, अभय बराल, लोकमणी सापकोटा, सविन बाँस्तोला, जीवन भट्टराई, कमल देवकोटा, राजेश बिसुराल लगायतका कलाकारको अभिनय छ भने अभिनेत्री केकी अधिकारी विशेष भूमिकामा छिन् ।
निर्देशक दिनेश राउत र निर्माता सुवास थापाले निर्माण गरेको फिल्ममा निर्देशक विशालकै लेखन, सुसन प्रजापतिको छायांकन, जीवन थापाको सम्पादन, सुवास भुषालको संगीत, निर्मल लामाको कोरियोग्राफी, र उत्तम न्यौपानेको साउण्ड डिजाइन रहेको छ । फिल्मका सह निर्माता राजेश बिसुराल र प्रवल कोइराला हुन् ।
