काठमाडौं । चार वर्ष अघि फिल्म ‘जय पर्शुराम’मा देखिएर चुपचाप भएका नायक विराज भट्ट यतिबेला दर्शकका लागि ‘साङ्लो’ लिएर आएका छन् । एक समयमा आफ्नो एक्सनका कारण दर्शकको मन जित्न सफल विराजको ‘साङ्लो’को ट्रेलर रिलिज सार्वजनिक भएको छ । विराजकै निर्देशन रहेको फिल्मको ट्रेलरमा उनको दमदार कमब्याक देख्न सकिन्छ ।
सार्वजनिक ट्रेलरमा विराजको एक्सनलाई प्राथमिकता दिइएको छ । श्री श्रेष्ठको एक्सन रहेको चलचित्रमा श्रीले एक्सनमा निकै ठूलो मेहनत गरेको देखिन्छ । फिल्ममा विराजको जोडीका रुपमा पूर्व मिस नेपाल निकिता चन्दक छिन् ।
फिल्ममा जयनन्द लामा, कामेश्वर चौरसिया, प्रकाश शाह, आरपी पन्त, लय संग्रौला, अमित गिरी, शिशिर भण्डारी, रमेश सोडारी, भिष्म जोशी लगायतका कलाकारको पनि अभिनय छ ।
शिवम अधिकारीको लेखन रहेको फिल्ममा सुरेश अधिकारी र राजनराज सिवाकोटीको संगीत, श्री श्रेष्ठको एक्सन, मानकृष्ण महर्जनको छायांकन, अर्जुन जिसीको सम्पादन र कविराज गहतराज र रामजी लामिछानेको कोरियोग्राफी छ । माघ २४ गते रिलिज हुने फिल्ममा विराजको पनि लगानी छ । उनलाई लगानीमा तेजबहादुर खड्काले सघाएका छन् ।
