काठमाडौं । अभिनेता सौगात मल्ल र अभिनेत्री दिया पुन स्टारर फिल्म ‘मन्त्र’को टिजर सार्वजनिक भएको छ । सार्वजनिक ट्रेलरमा हिमाली भेगको सुन्दर दृश्य समावेश छ । टिजरमा अभिनेता सौगात मल्ल, बुद्धी तामाङ, अभिनेत्री दिया पुन फिचर्ड छन् । फिल्ममा गोरखाको मनास्लु क्षेत्र आसपासको कथाबस्तुलाई आधार बनाइएको छ । मनास्लु क्षेत्रमा पहिलो पटक छायांकन गरिएको फिल्मका दृश्यहरुले दर्शकको मन जित्नेमा निर्माण टिम बिश्वस्त रहेको छ ।
खिलबहादुर गुरुङ निर्देशित फिल्ममा सौगात र दियाले पहिलो पटक स्क्रिन शेयर गरेका छन् । फिल्ममा नमिता घिसिङ, वीरबहादुर लामाको पनि अभिनय छ । मनोज राजभण्डारी निर्माता रहेको फिल्मको कार्यकारी निर्मातामा देबेन्द्र मानन्धर सह निर्मातामा रबिराज कार्की, सुरेश कार्की, वीरबहादुर लामा र शुभ श्रेष्ठ रहेका छन ।
साम्तेन भुटियाले लेखेको फिल्ममा शम्भुजित बास्कोटा र सन्तोष सुनारको संगीत, संजय लामाको छायांकन, मित्र डि गुरुङको सम्पादन रहेको छ । फिल्म नयाँ बर्ष २०७७ को अवसरमा प्रदर्शन गर्ने निर्माण टिमको लक्ष्य रहेको छ ।
