काठमाडौं । सस्पेन्स थ्रिलर कथामा निर्माण भएको फिल्म ‘चपली हाइट ३’को टिजर सार्वजनिक भएको छ । टिजरमा स्वस्तिमा खड्का, सुपुष्पा भट्ट, महेश त्रिपाठी, आमिर गौतमलगायतका कलाकार फिचर्ड छन् ।
फिल्मका निर्माता अर्जून कुमार हुन् भने निर्देशनको जिम्मेवारी निकेश खड्काले लिएका छन् । फिल्ममा प्रतिकमान श्रेष्ठ, दीपाश्री निरौला, लक्ष्मी वर्देवा, लोकेन्द्र लेखक, जीवन भट्टराईलगायातका कलाकारको अभिनय छ ।
आकाश बरालको लेखन र संवाद रहेको सिनेमामा सुभाष भुषाल र अर्जुन कुमारको संगीत, अष्ट महर्जनको एक्सन, पुरुषोत्तम प्रधानको छायांकन र दिर्घ खड्काको सम्पादन छ । अर्जुन कुमार फिल्मस् प्रोडक्सनको व्यानरमा निर्मित फिल्म चैत २८ देखि अलनेपाल रिलिज हुँदैछ ।
