काठमाडौं । गीतकार तथा संगीतकार भीम विष्ट र गायिका एलिना चौहानको स्वर रहेको ‘धोका दियो हाइटले’ बोलको गीतको भिडियो सार्वजनिक भएको छ । नवराज कलौनीको शब्द, भीम बिष्टको संगीत र रिकेश गुरुङको संगीत संयोजन रहेको गीत इनाक्षी इन्टरटेन्मेन्टको युट्युब च्यानल मार्फत सार्वजनिक गरिएको हो ।
डान्सिङ फ्लेवरको गीतको भिडियोमा आँचल शर्मा, जिवेश गुरुङ, बुद्धि तामाङ, शर्मिला शर्मा, भीम विष्ट र एलिना चौहान फिचर्ड छन् । गीतमा हाइटले धोका दिँदा भोग्नुपरेको समस्यालाई देखाइएको छ ।
टेकबहादुर शाह ’टेकेन्द्र’को निर्देशन रहेको गीतको भिडियोमा रामकुमार केशीको छायांकन, बिक्रम स्वारको कोरियोग्राफी र निर्देशक टेकेन्द्र शाहको सम्पादन रहेको छ ।
