मुम्बई(एजेन्सी) । बलिउड अभिनेत्री दीपिका पादुकोण कोरोना आइसोलेशनका समयमा सामाजिक सन्जालमा आफ्नो भिडियो र तस्बिर शेयर गरेकी छन् । ती तस्बिर र भिडियोलाई उनले ‘प्रोडक्टिविटी इन द टाइम अफ कोभिड–१९’ नाम दिएकी छन् । यो सिरिजमा उनले कैयौं पोस्ट गरेकी छिन् । उनले आगामी एपिसोडमा तस्बिर र भिडियो नराख्ने निर्णय लिएकी छन् । उनले अभिनेत्री कटरीना कैफले आफ्नो आइडिया चोरेको हुनाले तस्बिर र भिडियो नराख्ने निर्णय लिएकी हुन् ।
दीपिकाले शेयर गरेका कैयौं पोस्ट कोरोना आउटब्रेकमा आइसोलेशनका समयमा घरमा बनाइएका हुन् । उनी घरमा बस्दा आफूसँग जोडिएका क्रियाकलापलाई सामाजिक सन्जालमा पोस्ट गर्छिन् । उनले वर्कआउट, वार्डरब सफा गर्ने, सेल्फ केयरदेखि लिएर फ्रुट जुस पिउनेसम्मको फोटो अपलोड गरेकी छन् ।
हालैमात्र उनले पाँचौं भागको तस्बिर पोस्ट गर्ने काम रोकेकी छन् । उनले कटरीनाले आफ्नो आइडिया चोरेकाले आफूले तस्बिर नराख्ने निर्णय लिएको बताएकी छन् । उनले कटरीनाको भिडियो रिपोस्ट पनि गरेकी छन् । जसमा कटरीनाले भाडा धोइरहेकी छन् ।
दीपिकाको पछिल्लो फिल्म ‘छपाक’ हो । उनी चाँडै शकुन बत्राको फिल्ममा देखिँदैछिन् । यो फिल्ममा उनका साथ अनन्या पाण्डे र सिद्धान्त पाण्डेको पनि अभिनय छ ।
