काठमाडौं । कवि तथा गीतकार वसन्त चौधरीको शब्द तथा राज सागरको स्वर र संगीत रहेको ‘उद्धार गरौं यो मानवताको’ बोलको गीतको भिडियो सार्वजनिक भएको छ । बुधबार रेकर्ड गरिएको यो गीतको भिडियो बिहिबारमात्र तयार भएको हो ।
गीतकार चौधरीले गीतमा कोरोना भाइरसलाई मानवताको बिषालु बैरी र विनाशकारीको रुपमा चर्चा गरेका छन् । गीतमार्फत गीतकार चौधरीले अहिले दयनीय अबस्थामा रहेको मानिसको उद्धार गर्नु पर्ने बताएका छन् । उनले भाइरसबाट आफु जोगिन, अरुलाई पनि जोगाउन र संकटमा रहेकाहरुलाई उद्धार गर्न गीतबाट आह्वान गरेका छन् ।
गायक राजले शब्द आफैंमा राम्रो र सन्देश मुलक भएकाले अहिलेको अवस्थामा जोखिम मोलेर रेकर्ड गरी लिरिकल भिडियोको रुपमा दर्शकसामु ल्याएको गायक राजले बताए ।
भ्वाईस अफ नेपालको स्टुडियोमा दीप घतानीले रेकर्ड गरेको गीत निकै कर्णप्रिय बनेको छ । गीतको संगीत संयोजना राहुल विश्वकर्माले गरेका हुन् । गीतको भिडियोलाई भि ओ एन युट्युब च्यानलबाट रिलिज गरिएको हो ।
