मुम्बई(एजेन्सी) । दक्षिण भारतीय फिल्मका स्टार प्रभास अभिनित फिल्म ‘बाहुबली’ फ्रेन्चाइजीले बक्सअफिसमा सर्वाधिक कलेक्सन गर्यो । यो फिल्मलाई धेरै दर्शकले मनपराए । ‘बाहुबली २’ ले बक्सअफिसमा सारा रेकर्ड तोड्यो । अहिले पनि दर्शकमाझ यो फिल्म उत्तिकै रुचीकर छ । यो फिल्म हाल रुसको टेलिभिजन च्यानलमा देखाइएको छ । यो खबरलाई एम्बेसी अफ दी रसियन फेडरेसनले आफ्नो अफिसियल ट्वीटर एकाउन्टमा यो विषयमा जानकारी दिएको हो ।
एसएस राजामौली निर्देशित फिल्म ‘बाहुबलीः द कनक्लूजन’लाई भारतीय फिल्मको इतिहासमा एक उत्कृष्ट फिल्ममा गनिन्छ । यो भारत मात्र नभई भारत बाहिर पनि चर्चित छ । गत मे २८ मा रशिया इन इण्डिया(रसियन एम्बेसी)ले यो ट्वीट गरेको थियो । भारतीय फिल्म रसियामा लोकप्रिय छन् ।
‘बाहुबली’ सिरिज २ सय ५० करोडको बजेटमा निर्माण गरिएको फिल्म हो । यसले विश्वभरबाट १८ सय करोड रुपैंयाँको कमाई गरेको थियो । तेलुगू भाषामा बनेको यो फिल्मलाई कैयौं भाषामा डब गरिएको छ ।
