काठमाडौं । पप गायन सँगै पाश्र्व गायनमा पनि उत्तिकै रुचाइएका गायक सुगम पोखरेललाई नेपाली सांगीतिक क्षेत्रमा चिनाउने गीत ‘फेरि त्यो दिन’को नयाँ भर्सन दर्शकमाझ आएको छ । गीतमा सुगमकै शब्द र संगीत छ ।
यो गीतको भिडियोमा दर्शकले केवल ‘फेरी त्यो दिन’ मात्र समेटेका छैनन् । भिडियोमा ‘माया यो धेरै गाह्रो’, ‘मेरो एउटा साथी छ’, ‘जाँदै छु टाढा’, ‘मेरा गीतहरू सुनिरहनु है’ र ‘एउटा मान्छे’ जस्ता गीतलाई पनि अँटाएका छन् । यी गीतहरु सुन्दा दर्शकले केही नयाँपन पाउँछन् । म्यासअप शैलीमा तयार पारिएको भिडियोमा सुगम नै फिचर्ड छन् ।
गीतमा प्रयोग गरिएको संगीतलाई शैलेन्द्र एम प्रधानले नयाँ फ्लेभर दिएका छन् । भिडियोमा केश मगरको डीओपी र सम्पादन छ । गीत गायक पोख्रेलकै अफिसियल युट्युब च्यानलबाट सार्वजनिक गरिएको हो ।
