काठमाडौं । संगीतकार शिखर सन्तोषको संगीतमा ‘कोरोनाको महामारी’ बोलको गीत सार्वजनिक भएको छ । गीतमा रामकृष्ण ढकाल, आनन्द कार्की, विश्व नेपाली, प्रविशा अधिकारी, रोशन अधिकारीको स्वर रहेको छ ।
गीतमा डा.दुबसु क्षेत्रीको शब्द र गोपाल रसाइलीको संगीत संयोजन छ । भिडियोलाई संगीतकार शिखर सन्तोषले आफ्नै आधिकारिक यूट्युब च्यानलबाट सार्वजनिक गरेका छन् । भिडियोमा दीपाश्री निरौला, सरिता लामिछानेलगायतका कलाकारहरु फिचर्ड छन् ।
भिडियोमा वीरेन तितुङको छायांकन र प्रकाश तुलाधरको सम्पादन छ । थ्रि क्याप्स टिमले निर्देशन गरेको भिडियोमा पूनम आर सुवेदी प्रस्तुतकर्ता छन् ।
