काठमाडौं । गीतकार अर्जुनरत्न भिखारीको शब्द रहेको गीत ‘काजल’ को म्युजिक भिडियो सार्वजनिक भएको छ । संगीतकार सुनिल मास्केद्वारा संगीतबद्ध उक्त गीतमा गायक सुरेश लामाको स्वर छ ।
शुक्रवार ओएसआर डिजिटलबाट सार्वजनिक भएको उक्त भिडियोमा दर्शकको प्रतिक्रिया उत्साहजनक छ । उक्त गीतमा सञ्जीव बराइलीले संगीत संयोजन गरेका छन् ।
ए वान म्युजिसियनका किशोर थापाले गीतलाई मिक्स तथा मास्टर गरेका हुन् । युवराज वाइवाद्वारा निर्देशित भिडियोमा अभिनेत्री मरिष्का पोखरेल र मोडल समिर खनालले अभिनय गरेका छन् ।
लोमस पौडेलको सहायक निर्देशन रहेको भिडियोमा उत्सव दाहालको छायांकन र विकास दाहालको सम्पादन छ ।
